narghbe'meH qama' vangnIS 'avwI'. bIghHa' lojmIt vegh qama' 'e' botnISba' 'a rut veqlargh lojmIt je 'avnIS. Hegh qama' neHchugh yu'wI' nawlogh ra'wI', vaj luHoH 'e' ra'. ra'be'mo' vaj yIntaH qama' neH. HoH'eghmeH qama', jan 'oghchugh qama', jan nge'nIS 'avwI'. nuH 'oghbe' bombogh qama' 'a SabtaH DotlhDaj. chaq pujmo' nov, ravDaq Qong 'e' cherghlaHbe'. rIQ 'ej ngejlu'law'. ngejlu'mo' HeghlaH SuvwI''e' 'e' Sov vajar, 'ej moH Heghvetlh. vaj Qel rI'. pawDI' Qel, QotchoH qama' 'e' ra' vajar, ghIq qama' Surchem chu'Ha'. qama' vulchoHmoHmeH pu'HIch tIH puj lo' vajar. vulchoHpu'DI', 'el Qel 'ej qama' nuD. qama' DIr Say'moH Qel, ghIq DeSDaq HerghwI' lo' 'ej DIr ngeb lan. pIm nov DIr, tlhIngan DIr je 'ach ngejlu'be'meH nov, Qap tlhIngan DIr ngeb, jatlh Qel. tagha' Ser bagh. vumtaHvIS Qel qama'Daq pu'HIch QeqtaH vajar. Sev baghtaHvIS Qel poSchoH qama' mInDu'. qama' bachrupqa' vajar 'a ghu' yajchoHlaw' 'ej morghbe'. leS. qama' pa'vo' mej Qel 'ej Surchem chu'qa'ta'DI' vajar jatlh Qel. ropbej qama 'a QaHmo' ghaytan pIvchoH.
jajvetlh bombe' nov. ravDaq QottaH neH, DeS rIQ 'uchtaHvIS. qaStaHvIS rep neH bejchuq qama' vajar je. qaSpu'DI' repvetlh jatlhchoH qama'. jatlhchoHDI' qama' yItamchoH jatlh vajar. not nov bom Qoyqa' vajar.
vIqaghlu'pu' 'a lutlIj vIlaDqa'taH. loQ mumISmoHpu' QaghHom. wa'DIch mu' Sev DaHechDI', Ser DaghItlhHa'.
ReplyDeletebIjatlh je, qama' bachrupqa'. nuH bachlu' net Sov, 'a jatlhlu''a' DoS bachlu'? 'ej muSIvmoH mu'lIj: qama' QIHmeH pu'HIch lo'pu''a' vajar? loQ qama' joy'pu' 'avwI' 'e' vIqaw.
'IQqu'choH lut 'ej muDuq DaH 'e' vIpIH.
-mIp'av